రెండు సీట్ల‌తో బీజేపీ ప్ర‌స్థానం... నాలుగు సీట్ల‌తో ఆప్ ప్ర‌స్థానం...!!

మొన్న లోక్‌స‌భ ఎన్నిక‌ల స‌మ‌యంలో ఆమ్ ఆద్మీ పార్టీకి 4 ఎంపీ సీట్లు వ‌చ్చిన‌ప్పుడు కొంద‌రు బీజేపీ అభిమానులు ఎద్దేవా చేశారు..

అప్పుడు ఓ మాట చెప్పా... 1980 ద‌శకంలో బీజేపీ పుట్టిన‌ప్పుడు వ‌చ్చిన సీట్లు రెండే... ఇప్పుడు ఆప్ పోటీ చేసిన మొద‌టి ఎన్నిక‌లోనే రెట్టింపు సీట్లు సాధించింద‌న్నాను... లేదు.. అది మునిగిపోయిన నావ అని కొట్టిపారేశారు... మ‌రి ఆ నావ ఇప్పుడు ఎవ‌రిని ముంచిందో మీరే చూస్తున్నారు..

రాజ‌కీయాల్లో ఏదైనా సాధ్య‌మే... ఒక‌ప్పుడు రెండు సీట్లు సాధించిన బీజేపీ నేడు 280 సీట్లు సాధించిన‌ప్పుడు ఆమ్ ఆద్మీ పార్టీ భ‌విష్య‌త్తులో బీజేపీ స్థాయికి ఎదగొచ్చు కూడా... ప్ర‌జాస్వామ్య రాజ‌కీయాల్లో అధికారం శాశ్వాతం కాదు.. జ‌నం ఎప్పుడూ ఒక‌రితోనే ఉండ‌రు... వారి ఆకాంక్ష‌ల‌ను అనుగుణంగా ఉండే పార్టీ ల‌భిస్తే ఏళ్ల చ‌రిత్ర ఉన్న రాజ‌కీయ ప‌క్షాల‌ను కూక‌టి వేళ్ల‌తో పెక‌లించి వేస్తారు... ఢిల్లీ ఫ‌లితాలే అందుకు నిద‌ర్శ‌నం...

ఢిల్లీ విజ‌యంతో ఆమ్ ఆద్మీ పార్టీ కూడా విజ‌య గ‌ర్వంతో విర్ర‌వీగొద్దు.. ఎందుకంటే కొన్ని సంద‌ర్భాల్లో విజ‌య‌తీరాలు చేర‌డం సుల‌భం అవుతుంది.. అయితే ఆ విజ‌యాన్ని శాశ్వాతంగా కొన‌సాగించుకోవ‌డం క‌ష్టం అవుతుంది... ఇందుకోసం క‌ష్ట‌ప‌డాలి.. ఇత‌ర రాష్ట్రాల్లోనూ క్షేత్ర స్థాయిలో బ‌లోపేతం కావ‌డానికి క‌మిటీలు ఏర్పాటు చేసుకోవాలి.. కేవ‌లం ఢిల్లీ విజ‌యంతో ఎవ‌రిని ప‌డితే వారిని చేర్చుకోవ‌ద్దు.. ఆచితూచి రాష్ట్రాల‌ను ఎంపిక చేసుకొని పోటీ చేయాలి... త‌క్కువ స్థానాల్లో పోటీ చేసి ఎక్కువ ఫ‌లితాలు సాధించాలి.. స్థానిక స‌మ‌రాల్లో దూకాలి... మొద‌ట పంజాబ్ నుంచి ఈ ప్ర‌స్థానాన్ని ప్రారంభిస్తే బాగుంటుందేమో..!!