------------------
రాష్ట్ర విభ‌జ‌న జ‌రిగి ఎనిమిది నెల‌లు అవుతున్నా.. ఇంకా ఆర్టీసీ విభ‌జ‌న జ‌ర‌గ‌డం లేదు. ఆర్టీసీ విభ‌జ‌న జ‌రిగే స‌మ‌యంలో నిజాం కాలం నాటి ఆస్తుల‌పై దృష్టి సారించాలి. ఇప్ప‌టికే ఒక‌సారి ఆ ఆస్తుల‌ను కూడా ఉమ్మ‌డి ఖాతాలో వేసేశారు. అప్ర‌మ‌త్తంగా లేక‌పోతే విలువైన సంప‌దను మ‌నం కోల్పోతాం. ఇక నిజాం కాలానికి చెందిన అరుదైన ద‌క్క‌న్ క్వీన్ బ‌స్సు ఒక‌టి విజ‌య‌వాడ‌లో ఉండిపోయింది. దాన్ని వెన‌క్కి తెప్పించాల్సిందే. అలాగే బౌద్ధ మ‌తానికి సంబంధించి తెలంగాణ‌లో ల‌భ్య‌మైన విలువైన పురావ‌స్తు సంప‌ద కూడా ఆంధ్రాలోని ప‌లు మ్యూజియంల‌కు త‌ర‌లించారు. వీట‌న్నింటినీ మ‌నం వెన‌క్కి తెప్పించుకోవాలి. మ‌న గ‌త వైభ‌వాన్ని ప్ర‌పంచానికి చాట‌డానికి ఈ చ‌రిత్ర‌క సంప‌ద ఎంత‌గానో దోహ‌ద‌ప‌డుతుంది....
నోట్‌: ఇక మొన్నామ‌ధ్య ఆర్టీసీ బ‌స్సుల నెంబ‌ర్ ప్లేట్ల‌లో జ‌డ్ అనే అక్ష‌రాన్ని ఎందుకు ఉంటుంద‌ని ఓ ప్ర‌శ్న‌ను వేశాను.. వాస్త‌వానికి ఇది నిజాం త‌ల్లి జెహ్రా బేగ‌మ్ పేరు మీద నిజాం తొలుత బ‌స్సు స‌ర్వీసుల‌ను ప్రారంభించాల‌నుకున్నాడు. అయితే కొంద‌రు వ‌ద్ద‌ని సూచించ‌డంతో త‌న త‌ల్లి పేరు స్మ‌ర‌ణ‌కు వ‌చ్చేలా జ‌డ్‌ను మాత్రం నెంబ‌ర్ ప్లేట్ల‌కు ఉంచారు... హైద‌రాబాద్ సంస్థానం భార‌త్‌లో విలీనం అయిన త‌ర్వాత నిజాం విజ్ఞ‌ప్తి మేర‌కు జ‌డ్ అన్న అక్ష‌రాన్ని రోడ్డు ర‌వాణా సంస్థ బ‌స్సుల‌న్నింటికీ ఉంచ‌డానికి అప్ప‌డి కేంద్ర, రాష్ట్ర ప్ర‌భుత్వాలు అంగీక‌రించాయి.. ఆ విధంగా జ‌డ్ అక్ష‌రం ఇప్ప‌టికీ 20వేల‌కు పైగా ఆర్టీసీ బ‌స్సుల‌కు ఉంది.. భ‌విష్య‌త్తులో ఆంధ్ర‌ప్ర‌దేశ్‌లో ఉంటుందో లేదో నేను చెప్ప‌లేను..!!!
------------
ఆర్టీసీ బ‌స్సుల‌పై జ‌డ్ అక్ష‌రంపై ఓ ప్ర‌శ్న‌ను మొన్న‌నే మీలో ఎవ‌రు కోటీశ్వ‌రుడు? అన్న ప్రోగ్రామ్‌లో అడిగారు... నేప‌థ్యాన్ని కూడా చెప్పారు!!
No comments:
Post a Comment