ఇదేం ఉన్మాదం..

* మా క‌డుపులు మాడ్చుకొని రైలు రోకోలు చేశాం.. కానీ రైళ్ల‌ లో ఉండే ప్ర‌యాణికులు అవ‌స్థ‌లు ప‌డ‌కుండా అన్న పానీయాలు అందించాం..
* లాఠీ దెబ్బ‌లు తింటూనే మిలియ‌న్ మార్చ్ లు చేశాం.. సాగ‌ర హారాల్లో పాల్గొన్నాం.. సాధార‌ణ ప్ర‌యాణికుడిని ఎప్పుడూ టార్గెట్‌గా చేసుకోలేదు..
* స‌క‌ల జ‌నుల స‌మ్మె అంటూ మాకు మేమే శిక్ష విధించుకుంటూ నిర‌శ‌న తెలిపాం.. ఉద్యోగుల‌కు జీతాలు రాకున్నా, పిల్ల‌లు చ‌దువుల‌కు దూరం అవుతున్నా జై తెలంగాణ అంటూ నిన‌దించాం.. 
* రోడ్డుపైనే వంటా వార్పు చేశాం.. కానీ ట్రాఫిక్ క‌ష్టాలు త‌లెత్త‌కుండా జాగ్ర‌త్త ప‌డ్డాం...
* చ‌లో అసెంబ్లీలు చేశాం.. బాష్ప‌వాయువు గోళాలు తిన్నాం.. కానీ ఏ ఒక్క పోలీసును గాయ‌ప‌ర‌చ‌లేదు.. ఏ ఒక్క పోలీసు స్టేష‌న్ ను త‌గ‌ల‌బెట్ట‌లేదు..
* చ‌ట్టాన్ని ప‌రిర‌క్షించే పోలీసన్న‌ల‌ను గౌర‌విస్తూనే నిర‌శ‌న‌లు కొన‌సాగించాం...
* మా నాయ‌కుల‌ను నిర్బంధించి, మా పోరాటంపై ఉక్కు పాదం మోపాల‌ని చూపిన‌ప్పుడు ట్యాంకుబండ్‌పై ధ‌ర్మాగ్ర‌హాన్ని ప్ర‌ద‌ర్శించాం..
* హింసాత్మ‌క ఆందోళ‌న‌కు పిలుపునిచ్చే స‌త్తా కేసీఆర్ కు లేకా కాదు.. అలాంటి ఆందోళ‌న‌లు చేసే ధైర్యం తెలంగాణ జ‌నానికి లేకా కాదు..
* 2009లో తెలంగాణ ఏర్పాటుకు పార్ల‌మెంట్ లో హామీ ఇచ్చి అమ‌లు చేయ‌క‌పోయినా ఓపిక‌గా నాలుగేళ్లు స‌హించాం.. పోరాటాన్ని కొన‌సాగించాం...
****
నోట్ : మ‌రి 2014 ఎన్నిక‌ల్లో టీడీపీ కాపు రిజ‌ర్వేష‌న్ల‌కు హామీ ఇచ్చింద‌ని.. వెంట‌నే అమ‌లు చేయాల‌ని ఇంత విధ్వంసం కొన‌సాగించ‌డం స‌బ‌బు కాదు.. ఓపిక‌గా హ‌క్కుల సాధ‌న‌కు ఉద్య‌మించాలి.. వీలైతే తెలంగాణ ఉద్య‌మాన్ని స్ఫూర్తిగా తీసుకోండి.. హామీల అమ‌లుకు ప్ర‌శాంతంగా పోరాటం సాగించండి..